خالد يسلم

بيالة شاي على طاولة وسخة..
جالس عليها صحفي محنك..
يشرح و يطرح و لا يتردد..
مفوه في حديثه..
قوي في دليله..
لكنه مفبرك..!!

بيالة شاي على طاولة نظيفة..
عليها رجل اعمال..حرامي..
مشلح و ثوب و سبحة ثمينة..
بس من تواضعه يطلب شاهي..

بيالة شاي على طاولة مهزوزة..
عليها شاب متخرج..عاطل و فاضي..
يساره مطاوعة..و يمينه حشاش..
و جالس مستني ..رنة جوال
اصلوا اخينا عاطل و فاضي..
بس بيحب..مراة الحرامي !!

بيالة شاي على طاولة قزاز..
سموه جالس و قدامه نقاد..
يتمتم دهاليز و طلاسم و الغاز..
و الكل يصفق..الكل سعيد.
و احد بيسئل : اش بيقول ؟
الثاني : صه..يقولها بفتور..
اصلوا سموه دافع الحساب

بيالة شاي بنعناع و بدون سكر..
اخينا عنده الضغط و السكر..
موظف حكومي على المعاش جالس.
يدخن سيجارة..و نظارته سميكة..
بنته عانس..و مراته مريضة..
ديونه كثيرة..
همومه كبيرة..
مستني المنحة..
في وسط الجريدة..

6:26am
24 – 7 – 09